Манџукиќ е (не) реална желба на Ерик Тохир

Шпанскиот гигант Реал (М) и големиот ривал од италијанската Серија А, тимот на Јувентус, добија и повеќе од сериозна конкуренција во Интер кога е во прашање потписот на хрватскиот интернационалец од редовите на актуелниот светски и европски клупски шампион, Баерн (М). 

Брзоногиот напаѓач не е многу задоволен од минутажата која ја добива од новиот предводник на баварскиот гигант, Пеп Гвардиола и голема е веројатноста дека ќе си замине од „Алианс Арена” за време на летниот преоден рок.

Новиот сопственик на „нероазурите”, познатиот бизнисмен од Индонезија, Ерик Тохир е подготвен да го исплати побараното обештетување од 30 милиони евра, а доколку се пресели на „Џузепе Меаца”, репрезентативецот на Хрватска ќе си осигура годишна заработувачка од најмалку пет милиони евра.

Доколку преземете содржина од оваа страница, во целост сте се согласиле со нејзините Услови за користење.