Македонија

Марио Драги: Економскиот раст насекаде во Европа е многу слаб

Марио Драги: Економскиот раст насекаде во Европа е многу слаб

Претседателот на европската централна банка (ЕЦБ) Марио Драги оцени дека иако постои скромно заживување на економијата, нејзиниот раст насекаде низ Европа е „многу слаб“, пренесува МИА.

– Бележиме извесно подобрување на економските услови во Европа, но економскиот раст и натаму е премногу слаб, а инфлацијата останува многу ниска, порача синоќа Драги во обраќањето на отворањето на тридневниот меѓународен форум на претставници на централните банки и економски ескперти посветен на невработеноста, што се одржува во португалскиот град Синтра.

Ваквото предупредување на Драги доаѓа во услови кога се појавуваат први показатели на повторно економско заживување на еврозоната и кога во првиот квартал од годинава во неа е забележан економски раст од 0,4 проценти.

Според експертите, ваквиот почетен раст може да биде доволно силен во текот на оваа година за да придонесе за намалување на стапката на невработеност во еврозоната, која сега изнесува 11,3 проценти.

Потпретседателот на американската Управа на федералните резерви (Фед), Стенли Фишер оцени дека најновите економски показатели укажуваат дека еврозоната ја надминува актуелната криза, но предупреди дека монетраната унија „нема да преживее на долгорочен план, доколкку не успее да обезбеди благосостојба на нејзините членки“.