Магазин

Марко Настиќ во „Концепт 37“

Марко Настиќ во „Концепт 37“
Марко Настиќ во „Концепт 37“

Концепт-барот „Концепт 37“ за својот втор роденден подготви недела полна со настани, изложби, инсталации и артистички манифестации.

Минатиот викенд помина во знакот на забавата на Lephonq, фредо кафето и книгите од издавачкиот центар „Три“ за сите страствени кафеџии и читачи. За оние чија опсесија се визуелните уметности во рамките на гостувањето на „GIFEST“ беше огранизирана работилницата за изработка на гифови, видео мапинг и изложба на гифови.

А за сите останати чија преокупација е аудио уметноста и креирањето на музиката, на 9 јули во четврток „Концепт 37“ им овозможува средба со Марко Настиќ од Белград кој ќе одржи интерактивна работилница, a од 22 часот ќе има и свој ДЈ сет.

Марко Настиќ е урбана легенда, основоположник на една од најживописните клуб-сцени во Југоисточна Европа. Спротивставувајќи им се на мрачните сили на политичкото лудило, тој војува со електронска музика и го слави животот.

Неговиот препознатлив стил не може да биде етикетиран како чисто техно, хаус или минимализам, бидејќи тој е сето тоа, но во исто време и многу повеќе.

Марко ја реализираше својата прва светска турнеја во 2002 година, почнувајќи со Бразил, а денес има редовни сетови низ целиот свет. Од 2006 година е автор и водител на радио емисијата “Музика за телото и душата” на водечката српска радио станица Б92.

Бидете во тек со роденденската недела во „Концепт 37“ и приклучете се во интерактивната ДЈ работилница на Марко Настиќ:

https://www.facebook.com/events/1466087920369840/

Влезот за работилницата и настанот е бесплатен.

koncept-37