МАСИТ со проект за преквалификација на кадри

Стопанската комора за информатички и комуникациски технологии – МАСИТ ќе спроведе проект за преквалификација на кадри во кој може да бидат вклучени вработени и невработени лица до 35 години кои немаат ИТ предзнаење. Проектот ќе се спорведува во соработка со Сивус Едукативен и Развоен Центар и УСАИД/РЕГ проектот.

Крајната цел е учесниците во проектот да се стекнат со ИТ вештини во една од двете предвидени обуки: Front-end web developer и NET developer, кои подоцна би ги искористиле во нивното идно вработување.

„По спроведената анализа помеѓу членките – компании на МАСИТ, која покажа дефицит на овој работен профил, веднаш е пристапено кон организирање на ваков вид обука. Особено важно е тоа што по завршувањето на обуката учесниците кои успешно ќе ја реализираат ќе добијат шанса за пракса во некоја од ИТ компаниите. Крајната цел е вработување на потенцијалните кандидати“, соопштуваат од МАСИТ.

Доколку преземете содржина од оваа страница, во целост сте се согласиле со нејзините Услови за користење.