Вечерва се одвиваат масовни протести на Синтагма и Омонија против спогодбата меѓу Грција и нејзините меѓународни кредитори за новата спасувачка програма во вредност од околу 85 милијарди евра, пренесе ТАСС.
Овие протести на Синтагма и Омонија се организираа на повик од грчките синдикати.
Во Парламентот денеска ќе се одржи гласање за текстот на спогодбата, што беше поднесен во ноќта меѓу вторникот и средата и денеска беше одобрен од парламентарните комисии.
Се очекува во текот на утрешниот ден текстот да биде одобрен од пратениците во парламентот.
Грчките медиуми пренесуваат дека грчката Влада претпладнево постигнала договор со меѓународните кредитори.
Имаме бел чад, имаме договор, изјавил добро информиран извор по денешните средби меѓу грчките и претставниците на меѓународните институции.
Според информациите, како што јави дописникот на МИА од Атина, двете страни направиле компромиси за прашања во врска со „лошите кредити“, фондовите за приватизација и дерегулацијата на пазарот на енергетика.
Сепак, некои детали во врска со реформите остануваат отворени и ќе бидат разгледани од страна на техничките групи.
Договор меѓу двете страни е постигнат по маратонските дискусии кои траеја 22 часа.
Строс-Кан: Договорот со Грција е „штетен и речиси смртоносен“
Поранешниот генерален директор на ММФ, Домик Строс-Кан, во отворено писмо насловено „До моите германски пријатели“ објавено минатиот месец, изнесува пофалби за Европа, но сепак изразува и загриженост за нејзината иднина, посебно по договорот склучен со Грција кој го оценува како „штетен и скоро смртоносен“.
Како што јави дописникот на МИА од Париз, Строс-Кан, кој сега е ослободен од сите судски закани за неговото однесување на приватен план, во текстот објавен на социјалните мрежи ја критикува позицијата на германските лидери за време на преговорите со Грција и притоа им оддава почит на француксиот претседател Франсоа Оланд, кој, според него, „издржал добро“ и на германската канцеларка Ангела Меркел, која како што вели, „храбро им се спротиставила на оние кои не сакале договор по која било цена“.
Строс-Кан, кој се заложи за реструктуирање на грчкиот долг во еден текст објавен на крајот на јуни, сега смета дека договорот склучен со Грција е „застрашувачки за сите оние кои се уште веруваат во иднината на Европа“.
Тоа што се случи минатиот викенд за мене е фундаментално штетно, речиси смртоносно, напиша тогаш поранешниот прв човек на ММФ.
Во најновото обраќање, објавено на англиски, француски и германски јазик, со цел како што вели да може да биде разбран од поголем број на читатели, Строс-Кан им забележува на доверителите, предводени од Германија дека „ја искористиле можноста за идеолошка победа врз една екстремно лева Влада, по цена на фрагмантација на Унијата“.
Строс-Кан, кој е и поранешне француски министер за финансии, вели дека жали поради „политичкото повлекување на земјите од Северот на штета на тие од Југот“, однесување со кое, според него, му се „врти грбот на она што треба да биде Европа и се ризикува да се предизвика нејзино распрснување“.
Функционирањето на еврозоната во кое, вие, мои германски пријатели, следени од неколку балтички и нордиски земји, ќе им го наметнувате вашиот закон ќе биде неприфатливо за другите, предупредува Строс-Кан.
Тој притоа не пропушта да ја пофали ЕУ, но нагласува дека без едно вистинско единство, Унијата „ќе биде неспособна сама да се соочи со рускиот притисок и ќе стане вазал на нашиот сојузник и пријател САД“.
За договорот можете повеќе да прочитате на следните линкови:
http://netpress.com.mk/grcija-dogovor-evrozona/
http://netpress.com.mk/grcija-dogovor-evro-eu-kameron/
