Крими хроника

Маж се фрлил од зграда во Велес

Маж се фрлил од зграда во Велес

Триесетгодишен маж денеска околу 10.20 часот се фрлил од зграда на улицата Благој Ѓорев во новиот дел на Велес, јавува МИА.

Веднаш била повикана Брза помош. По укажаната прва помош повредниот кој се уште бил жив и свесен е однесен во Хируршкото одделение во велешката болница.

Од Брза помош за МИА информираа дека лицето имало повреди по целото тело и на главата, но бил свесен и со витални функции.

Портпаролот на СВР Велес Анита Стојковска изјави дека екипа на велешката полиција излегла на лице место за да утврди дали лицето само скокнало или било насилно фрлено, односно за тоа како дошло до немилиот настан.