Маж се обидел да силува кандидатка за советничка за општина Дебарца во штаб на политичка партија, ова било пријавено во Министерството за внатрешни работи. Чинот бил пријавен вчера по 18,40 часот и наводно се случил во просториите на штаб на ВМРО-ДПМНЕ во село Требеништа.
Според информациите од полицијата, лицето Ф.П.М. било пријавено дека се обидело да изврши полов напад над К.П., кандидатка за советничка за Општина Дебарца.
Според пријавата, К.П. отишла во штабот бидејќи како член на листата за советници требало да дежура и пред објектот се сретнала со Ф.П.М. со кого заедно влегле во објектот. По околу еден час, Ф.П.М. ја фатил жената за половината и почнал да ја турка, а таа повикувала помош. Според пријавата, Ф.П.М. ја соборил К.П. на земја, почнал да ја допира по телото и да ја љуби по лицето, а се обидел и да ја соблече. Во еден момент Ф.П.М. застанал и почнал да ѝ се извинува на жената и барал да му прости, по што ја отклучил вратата и двајцата си заминале.
