Четириесеттина преставници на научни институции, археолози и експерти од повеќе европски држави и од регионот на собирот во Охрид што ќе трае до 17-ти овој месец ќе разменуваат практики и знаења од областа.
На синоќа одржаното свечено отварање пред учесниците на научниот собир предавање одржа археологот Паско Кузман, кој се осврна на праисториските наколни живеалишта во Македонија и за праисториската населба во Заливот на коските кај Градиште на Охридското Езеро.
Инаку, научниот собир во Охрид е дел од меѓународен проект што се реализира во партнерство со Универзитетот во Берн, рускиот Државен Ермитаж од Санкт Петерсбург, Националниот универзитет од Киев и македонскиот Центар за праисториски истражувања. Проектот е поддржан и од Швајцарската национална фондација за наука.
