Екипите на МЕПСО ги расчистуваат штетите од невремето кое настана во текот на вчералниот ден, соопштуваат од компанијата. Оттаму велат дека најголем дел од штетите се во охридско-струшкиот регион.
Ова се локациите каде интервенираат нивните екипи:
– Во 7:30 часот регистрирана е безнапонска состојба на 110 kV далекувод Т.С. Ресен – Т.С. Охрид 2 со што градовите Охрид, Струга и Дебар остануваат без напојување со електрична енергија. Екипите на МЕПСО излегоа на терен за да ја утврдат локација и да го отстранат дефектот;
– Во 10:05 часот се вклучени под напон сите елементи од преносната мрежа во охридско-ресенскиот регион со што е воспоставено редовно напојување со електрична енергија на потрошувачите во Охрид, Струга и во Дебар;
– Екипите на МЕПСО се на терен и во континуитет вршат проверки на далекуводните траси во должина од околу 200 километри на потегот од Дебар –Струга-Охрид – Ресен до Битола;