Германската канцеларка Ангела Меркел денес побара секоја земја членка на Европската унија задолжително да прими одредена квота бегалци кои во најголем број во моментов се наоѓаат во Грција, Италија и Унгарија.
– На Европа и е потребен договор за задолжително прераспоредување (на бегалци), кој ќе биде обврзувачки, изјави Меркел во обраќање пред пратениците на германскиот Парламенет.
Според Меркел, актуелната бегалска криза во чии рамки стотици илјади бегалци се движат кон Европа, претставува предизвик за секоја од земјите-членки на ЕУ.
Повикот на Меркел дојаде по објавувањето на новиот план на Европската комисија со кој се предвидува товарот за згрижување на бегалци во Европа да биде рамномерно поделен меѓу земјите-членки на Унијата.
Двајца терористи откриени меѓу бегалци
Во Унгарија се откриени двајца терористи што се претставувале како бегалци, јавува Раша тудеј, повикувајќи се на унгарската телевизија М1.
Европските политичари изразија загриженост дека џихадистите на Исламска држава – ИД би можеле да се инфилтрираат во ЕУ под превезот на бегалци. Унраските медиуми предупредуваат дека најмалку двајца милитанти на ИД биле откриени кои барале влез во ЕУ како бегалци.
Идентификацијата на екстремистите била овозможена откако двајцата биле откриени откако самите го откриле сопствениот идентитет со објавување фотографии на социјалните мрежи.
-Исламските терористи, преправени како бегалци се појавија во Европа. Фотографиите биле објавени на повеќе социјални мрежи со цел да се покаже дека терористите во моментов се присутни во повеќето европски градови. Голем број од нив, кои во моментов се илегални имигранти, во минатото се бореле заедно со Исламска Држава, се вели во извештајот на унгарската телевизија.
Унгарските телевизии објавија фотографии од Фејсбук страниците на наводните терористи. На првата фотофрафија се гледаат две лица со оружје на Средниот Исток, а на втората се гледаат истите две лица кои се смејат при пристигнувањето во Европа.
Сеуште не е јасно каде се двете лица кои биле откриени – некои сметаат дека стасале дури до Германија, а други дека се уапсени. Засега не се објавуваат нивните имиња.
