четврток, 12 јануари 2017  |  Вести денес: 44

Меркел: Не постои гаранција за вечноста во односите со САД

Германската канцеларка Ангела Меркел денеска ги повика државите членки на Европската Унија (ЕУ) да го зголемат нивото на безбедносна и одбранбена соработка бидејќи, како што наведе, не постои гаранција за вечноста во односите со САД, пренесе Танјуг.

меркел

Поврзани вести

Европа е соочена со растечки предизвици во рамки на своите граници како и во блиските области, вклучувајќи ја миграцијата, растечките терористички закани, војната во Сирија, насилството во источна Украина, како и сиромаштијата и гладта во Африка, рече Меркел пред студентите во Брисел, откако ја прими почесната диплома за докторати од универзитетите во Гент и Левен во Белгија.

Како што пренесуваат британските медиуми, таа директно не го спомена новоизбраниот американски претседател Доналд Трамп, но очигледно дека мислеше на неговата изјава во текот на кампањата дека ќе го разгледа односот кон НАТО.

Таа додаде и дека Европа и ЕУ во иднина ќе мораат да научат да преземат повеќе одговорност низ светот.

Да не се залажуваме: од точка на гледање на некои наши традиционални партнери, нашите трансатлантски врски, нема гаранции за вечноста на блиската соработка со нас Европејците. Мораме да продолжиме да работиме на тоа, рече таа.

Најчитани вести