Германската канцеларка Ангела Меркел ја повика Европската унија веднаш да ги примени санкциите кон Русија затоа што мировниот план за истокот на Украина се уште не е во потполност спроведен.
ЕУ воведе нови санкции на Русија поради украинската криза, но прецизираше дека ќе почека неколку дена со спроведување на тие казнени мерки за на Москва да и даде време да ги продолжи мировните напори.
Меркел во парламентот истакна дека е важно мировниот план кој го изработија Украина и Русија да биде спроведен и додаде дека „прекинувањето на огнот и ослободувањето за заробениците се само две од 12 точки“ од планот.
Останатите точки вклучуваат повлекување на руската војска од регионот и можност жителите на Доњецк и Лиганск сами да одлучат за идниот статус на тие региони на истокот на Украина, додаде германската канцеларка.