МЕРС ставен под контрола во Јужна Кореја

Болниците во Сеул во кои се појави и ширеше фаталната зараза од вирусот МЕРС од денеска се враќаат кон нормална работна состојба.

Во последниве две недели во Сеул немаше пријави за нови случаи зафатени со болеста кај нас позната како Нилска треска, од која во Јужна Кореја до сега починаа 36 лица, пренесува МИА.

Појавата на смртоносната болест во Јужна Кореја, прв пат регистрирана на 20 мај беше причина над 6.000 лица да бидат ставени во карантин, а вкупниот број на заболени се искачи до 222 лица. Најголем дел од заболените се инфицирани во болницата Самсунг, која важи за елитна медиинска установа во Јужна Кореја. Над една третина од заболенитесе о медицинскиот персонал на болниците во Сеул и околината.

Покрај тоа што внесе паника меѓу населението, појавата на вирусот МЕРС нанесе и значителна економска штета на Јужна Кореја. Покрај другото, над 120.000 странци го откажале доаѓањето во таа држава од кога започна епидемијаа, а на повеќе корејански бизнисмени странските партнери им ги одлжуваа договорените состаноци.

Доколку преземете содржина од оваа страница, во целост сте се согласиле со нејзините Услови за користење.