Спорт

Меси стави крај на сите шпекулации

Меси стави крај на сите шпекулации

Најголемата ѕвезда во дресот на каталонскиот гигант Барселона, Лионел Меси експресно ги демантираше пласираните шпекулации во фудбалските медиуми дека не е среќен на „Ноу Камп”, дека ќе ја промени клупската средина за време на летниот преоден рок и дека побарал од клупските челници под итно да ги осигураат услугите на неговиот сонародник од редовите на Манчестер Сити, Серхио Агуеро.

„Многу работи се напишани и кажани од страна на фудбалските медиуми. Најголемиот дел од истите се само лага, нема точна информација. Јас сум добро, имаво ми е на “Ноу Камп”, среќен сум во Барселона и не планирам никаква промена на клупската средина”, изјави Аргентинецот кој во следните неколку дена ќе го потпише новиот договор кој му гарантира рекордна годишна плата од 20 мил. евра и статус на најскапо платен фудбалер на денешницата.