Спорт

СЕХА Лига Металург против Татран ја прекина низата порази

Металург против Татран ја прекина низата порази

Македонскиот вицешампион Металург во вторникот вечерта ја прекина серијата од шест порази во низа откако во СЕХА лигата го совлада тимот на Татран Прешов со 31:30 во СЕХА лигата, и покрај тоа што во еден момент имаше водство од 11 голови.

Металург во првото полувреме полека ја градеше преднота и по првичните водства од 4:2, потоа предноста ја зголеми на 12:9, за на паузата да замине со резултат со пет голови предност 18:13.

Во второто полувреме Металург ја удвои оваа предност (25:15), по што следеше огромниот пад, кој му овозможи на Татран Прешов да ја загрози победата на домашните и да стаса до пораз од само еден гол разлика (31:30).

Најефикасен ракометар во редовите на Металург беше Јагањац со девет гола, додека Кузмановски, Пешевски и Токиќ постигнаа по пет. Кај Татран Прешов, Бруно Буторац беше одличен со 11 постигнати гола.