Металург убедливо поразен кај Монпелје

Ракометарите на Металург со висок пораз во саботата ја започнаа новата сезона во Лигата на шампионите, откако на гостувањето кај францускиот претставник Монпелје беа совладани со 22:32.

По воведните минути моќниот француски клуб покажа дека во овој момент е едно ниво погоре од македонскиот претставник кој ја подмладува екипата и сѐ уште го воигрува тимот. Монпелје беше ефикасен и во нападот и во одбраната, па избраниците на Лино Червар не можеа да сторат ништо повеќе.

Монпејле веќе на полувремето имаше убедлива предност од осум голови разлика, а разликата беше направена во период од само пет минути, од 15 до 20 минута од средбата.

Французите не застанаа ниту во вториот дел, па набрзо стигнаа и до предност од десет гола разлика, а конечниот резултат гласеше 32:22.

Најефикасни на натпреварот беа Јагањац од Металург со шест погодоци, а исто толку постигна и Гигу од редовите на домаќините.

Доколку преземете содржина од оваа страница, во целост сте се согласиле со нејзините Услови за користење.