вторник, 24 јануари 2017  |  Вести денес: 0

МФ: Финализирана продажбата за еврообврзницата, тужби за СДСМ

Денеска е финализирана продажбата на еврообврзницата односно издадени им се обврзниците на инвеститорите, а средствата се уплатени на сметката на Министерството за финансии во Народната банка, информираат од Министерството за финансии.

ministerstvo-za-finansii-740x496

Поврзани вести

Денеска е финализирана продажбата на еврообврзницата односно издадени им се обврзниците на инвеститорите, а средствата се уплатени на сметката на Министерството за финансии во Народната банка, информираат од Министерството за финансии.

Оттаму нагласуваат дека согласно постапката за издавање на еврообврзница денеска е потпишано и приложено правното мислење потпишано од министерот за правда, кое се издава на денот на трансакцијата, односно уплатата на средствата и запишувањето на обврзниците на име на инвеститорите.

Од денот аукцијата до денот на финализирањето на продажбата на еврообврзницата со уплата на средства и запишување на сопственост, се средува документацијата – период кој беше искористен од страна на опозицијата да шири невистини во јавност со неточно толкување на законската регулатива. Со кампањата спроведена од страна на опозициската СДСМ изминатиот период беше нанесена штета по угледот на Министерството за финансии, министерот за финансии и владиниот тим што учествуваше во постапката, но и материјална штета по сите граѓани на Република Македонија преку подигање на каматната стапка како резултат на ефектите од таа кампања. Црната кампања придонесе за штета од околу 25 милиони евра по основ зголемена каматна стапка, средства кои неоправдано Република Македонија и граѓаните на Република Македонија ќе ги плаќаат во наредните седум години. Со цел да се заштити меѓународниот углед на државата и на Министерството за финансии, ќе ги преземеме сите законски мерки за да се санкционира своеволието и непоравданото дејствување на опозициската СДСМ, кое е се освен одговорно однесување на една политичка партија која се грижи за доброто на граѓаните, се вели во соопштението од Министерството за финансии.

Најчитани вести