четврток, 8 декември 2016  |  Вести денес: 7

МФ: СДСМ сака да предизвика проблеми на пазарот на капитал во земјава

finansii500

Поврзани вести

Министерството за финансии попладнево преку соопштение реагираше на изјавата на дополнителниот заменик-министер за финансии Кире Наумов во врска со аукцијата на државни хартии од вредност.

– Дали целата пропаганда поврзана со издавањето на државни хартии од вредност е во насока на предизвикување проблеми на пазарот на капитал во земјава, како што беше примерот со приказните за девлвација на денарот во април, кога граѓаните изгубија над 4 милиони евра поради предвереме разорочени депозити, или како писмата од страна на СДСМ при издавање на еврообврзницата што ја чинеа Македонија и граѓаните 30 милиони евра?, прашува Министерството за финансии.

Оттаму посочуваат дека задолжувањето преку државни хартии од вредност годинава е исто како и во 2004 година, кога владата на СДСМ за првпат ги вовела државните записи.

– Побарувачката за државните хартии од вредност е далеку поголема од она што се издава од страна на Министерството за финансии – што значи дека инвеститорите, односно банките, фондовите и осигурителните компании имаат доверба во економијата. Сепак, во насока на претпазливо менаџирање со долгот на државата, Министерството за финансии запишува многу помалку државни хартии од вредност од интересот на пазарот. Дополнително, каматата и рочноста со која се издаваат државните хартии од вредност се одлични, средствата повлечени со аукциите остануваат на депозитната сметка, а надворешното задолжување се намалува, истакнува ресорното Министерство.

Најчитани вести