Мицкоски: Ќе понудиме решенија и политики, но и ќе започне падот на владата на СДСМ

Како политичка партија и во минатото, но и во иднината ќе се обидеме да понудиме решенија за граѓаните, да го подобриме квалитетот на нивниот живот бидејќи единствен капитал на Република Македонија се граѓаните и тие заслужуваат да имаат подобар живот, истакна во четврокот лидерот на ВМРО-ДПМНЕ при посетата на Штип.

„Токму од тука мотивирани на 2-ри јуни ќе се собереме пред платото на Владата на Република Македонија каде што ќе ја одбележиме оваа една година на чемер и јад, влада на СДСМ предводена од Зоран Заев. Ќе понудиме решенија, нови политики, но и ќе започне падот на владата на СДСМ, која што се надевам дека ќе биде конечно поразена на предвремени парламентарни избори, рече Христијан Мицкоски.

Одговари на новинарско прашање „Дали е тоа предвестие за предвремени парламентарни избор“?

„Како што кажав во изјавата, тоа е еден почеток на падот на СДСМ, односно на владата на СДСМ предводена од Зоран Заев. Се надевам дека што е можно побрзо ќе бидат остварени и реализирани условите за да може опозицијата да се чувствува комотно, да излеземе на предвремени парламентарни избори и да ја поразиме оваа ненародна влада којашто ѝ се случува на нашата татковина“, рече Мицкоски.

Беше запрашан и за тоа дека во изминатиов период слушнавме еден куп предлози и решенија за околу спорот со соседна Грција, па според вас има ли решение или нема ?

„Нашата позиција е јасна, повторена во низа наврати во минатото поврзана со спорот којшто го има нашиот јужен сосед со нашето уставно име. Таа е непроменета и потврдено од страна на партиските органи во изминатите денови. Навистина не располагам со дополнитени информации кои што би значеле за вас и би биле предмет на интерес. Тоа што беше во изминативе денови презентирано на јавноста во Република Македонија тоа го знам јас“, истакна Мицкоски.

Доколку преземете содржина од оваа страница, во целост сте се согласиле со нејзините Услови за користење.