Македонија

опозицијата нема информации за текот на преговорите за името Мицкоски: Не знаеме кои се можните решенија во врска со спорот со името, ниту како течат преговорите

Мицкоски: Не знаеме кои се можните решенија во врска со спорот со името, ниту како течат преговорите

Претседателот на партијата ВМРО-ДПМНЕ, Христијан Мицкоски по утринската литургија изјави дека по традиција, години наназад тој овој ден го поминувал во Соборниот храм.

Додада дека за него и неговото семејство ова е посебен ден и им го честиташе празникот на сите граѓаните на Македонија.

„Денеска освен празникот Божик е и мој именден. Вчера, на Бадник, кршевме лепче со паричка и таа падна кај мене. Децата со учеството на Бадникарската поворка ја искажуваат својата определба и верувањето во Бога од најмали години. Мислам дека таквите деца можат само да се изградат во правилна личност која ќе ги почитува сите“, рече Мицкоски.

Мицкоски во врска со спорот со името, изјави дека до овој момент тие немаат информација за тоа како се одвиваат преговорите.

Според него, на овој начин, тие не би можеле да коментираат било што, кое би било решение од премиерот Заев и Ципрас.