Свет

Мигрантите кај Кале ќе го поминат Божик со Џејми Оливер

Мигрантите кај Кале ќе го поминат Божик со Џејми Оливер

Мигрантите кај Кале ќе го поминат Божик со Џејми Оливер и неговиот персонал. Британскиот готвач донира неколку тони подароци, а стотици Британци отпатуваа во „Кампот – џунгла“ за празниците, пишува „Дејли експрес“.

migranti-kale-elka-1

За време на празниците британските волонтери ќе им помагаат на 6.000 мигранти кои во моментов се сместени во кампот што се наоѓа во непосредна близина на „Евротунелот“.

kale-kamp-1

Британците се собрале преку соработка помеѓу црковни групи, како и на социјалните мрежи, со цел да се соберат донации од храна и облека. Она што ќе биде најголемо изненадување за мигрантите е тоа што ќе имаат можност за вечерата да добијат храна подготвена од познатиот Џејми Оливер.

Инаку во моментов бројката на мигранти што влегле во Европа достигна еден милион, а за голем број од тие што влегле се претпоставува дека ќе им се придружат на камповите кај Кале и Данкирк.

Оваа година, неколку илјади мигранти се обидеа да влезат во Британија преку „Евротунелот“, а кампот што се наоѓа во непосредна близина прерасна во мала населба. Повеќе фотографии од „Кампот – џунгла“ на следниот линк.