Спорт

Милан нема да биде продаден на Петер Лим

Милан нема да биде продаден на Петер Лим

Раководните лица на италијанскиот калчо гигант експресно ја демантираа пласираната шпекулација дека седумкратниот европски клупски шампион ќе биде продаден на најпознатиот бизнисмен од Сингапур, Петер Лим кој е подготвен да одвои 500 мил. евра за 51 отсто од акциите на Милан.

Медиумската компанија „Фининвест” која е во сопственост на Силвио Берлускони и која располага со сите акции испрати официјално соопштение дека италијанскиот калчо гигант не е за продажба.

„Што се однесува до последните шпекулации кои се пласирани од одредени медиуми во Италија, сакаме да ја информираме спортската јавност дека нема никакви преговори, дека фудбалскиот клуб на Милан не е за продажба,” стоеше во официјалното соопштение.

Освен Лим, голем интерес за акциите на Милан покажа и вториот најбогат бизнисмен од Кина, Зонг Кинху.