Милнер никогаш не загубил меч кога постигнал гол

204

Во првенствената победа на Ливерпул над Кристал Палас од 2:0, играчот од средниот ред на „Редси“, Џејмс Милнер го продолжи својот необичен рекорд кој трае веќе 16 години.

Милнер во споменатата победа на Ливерпул го постигна првиот погодок, а интересно е што секогаш кога тој бил стрелец неговата екипа не го загубила натпреварот.

Оваа низа започна во декември 2002 година, додека Милнер настапуваше за Лидс Јунајтед и трае веќе 16 години. Милнер во тој период има постигнато 49 голови на 48 натпревари и ниту еднаш не загубил. Неговите екипи забележале 38 победи и 10 нерешени резултати.

Поранешниот англиски репрезентативец во овој период настапуваше за Лидс Јунајтед, Њукасл Јунајтед, Астон Вила, Манчестер Сити и Ливерпул.

Во најелитното англиско лигашко натпреварување Милнер вкупно одиграл 487 натпревари. Првиот гол го постигнал во декември 2002 година во победата на Лидс Јунајтед против Сандерленд од 2:1, кога имал само 16 години и 356 денови. Тој е вториот најмлад стрелец во историјата на Премиер лигата. Рекордот сé уште го држи напаѓачот на Евертон, Џејмс Вон, кој во 2005 година постигна погодок со 16 години и 270 денови.

„Се чувствувам многу добро. Знам дека нема да го играм секој натпревар, но максимално ќе се трудам. Телото засега ме слуша“, изјави 32-годишниот Милнер за аглиските медиуми.

Skin Delight