Миноски: Рекордни капитални инвестиции во буџетот за 2017-та

Доколку се анализираат буџетите во Република Македонија, ќе видиме дека секоја година се зголемува износот на средства наменети за капитални инвестиции, истакна министерот за финансии Кирил Миноски на панел дискусијата на ВМРО-ДПМНЕ.

-Тој тренд ќе продолжи и во наредниот временски период. За наредната година е предвидено рекордно ниво на инвестиции за 20 проценти поголемо од инвестициите кои беа превидени со Буџетот годинава. Тоа е уште една гаранција дека ќе се зголеми потрошувачката во овие проекти, тие проекти креираат зголемен бруто општествен производ, но воедно значат и ангажман на работна сила. Од посебно значење кај капиталните инвестиции стратешки е важно да се завршшат Коридорите 10 и 8. Со тоа Македонија станува крстосница. Ќе имаме пристап до солунското пристаниште, црногорските и пристаништето во Драч. Тоа е отворање на пат за нов бизнис на кој ќе работат сите луѓе во тимот за странски инвестиции, истакна Миноски.

Тој потенцира дека тоа се капитални инвестиции кои ќе дадат силен поттик за економски развој на Република Македонија.

Доколку преземете содржина од оваа страница, во целост сте се согласиле со нејзините Услови за користење.