Спорт

Младите ракометарки обезбедија пласман на ЕП

Младите ракометарки обезбедија пласман на ЕП

Женската ракометна репрезентација на Македонија до 19 години се квалификуваше на Европското првенство кое во август ќе се одржи во Валенсија, Шпанија, откако успеа да ја забележи и втората победа во квалификациите.

По триумф над Исланд со 22:20, вчера младите македонски ракометарки, ја совладаа селекцијата на Холандија со 26:19.

Теодора Ќерамичиева која постигна 10 голови, беше најефикасна во македонскиот состав, додека Ангела Тодоровска придодаде 6, а Сара Ристовска беше стрелец на 4 гола.

Ова беше натпревар од 2.коло во првата квалификациска група, чиј домаќин е Скопје.
Денешниот, трет дуел со селекцијата на Црна Гора кој е закажан за 18.30 часот директно ќе решава за првото место на табелата.