Свет

ММФ: Падот на цената на нафтата ќе придонесе за раст на БДП во светот

ММФ: Падот на цената на нафтата ќе придонесе за раст на БДП во светот

Падот на цената на нафтата ќе придонесе за раст на Бруто домашниот производ во светот меѓу 0,3 и 0,7 отсто следната година, оценија економистите на Меѓународниот монетарен фонд (ММФ), Оливија Бланшар и Рабах Арезеки, пренесе МИА.

Тие проценуваат дека цената на нафтата, која од јуни падна за речиси 50 отсто, малку ќе поскапе, но оти и натаму ќе биде под новото на кое била изминатите неколку години.

Бланшар и Арезеки на блогот на сајтот на ММФ нагласуваат дека и побарувачката и понудата придонеле за драстичен пад на цената на нафтата, како и дека е неизвесно како тие фактори во иднина ќе се менуваат.

Увозниците на нафта, од кои најголемиот дел се во развиените земји, но и во земјите со забрзан стопански раст ќе имаат корист поради намалувањето на трошоците на горивото, додека извозниците ќе имаат помали приходи.

Ризиците за фискалната стабилност се зголемени, но и натаму се ограничени, оценуваат Бланшар Арезеки и додаваат дека големиот притисок врз домашните валути е забележан во неколку земји извознички на нафта како Русија, Нигерија и Венецуела.

За извозиците на нафта, кои немаат силни фискални правила, притисоците врз буџетот и валутата би можеле да бидат важни, што може да доведе до раст на инфлацијта и натамошна депрецијација на нивните валути.