Модерна графичка презентација конечно и на македонските телевизии (ВИДЕО)

По примерот на најмодерните спортски телевизиски мрежи, македонската телевизија НОВА денеска преку модерна графичка презентација го најави дербито на вечерта од фудбалската Лига на шампиони помеѓу ПСЖ и Челзи, кој ќе се одгра на „Паркот на принцовите“ во Париз.

Со досега невидена технологија на нашите телевизии, ТВ НОВА преку 3Д графика ги претстави можните состави и можните формации за вечерашното дерби. Ваквата презентација само ги потврдува најавите од телевизијата дека станува збор за нов медиум опремен со најсофистицирана телевизиска опрема.

Телевизијата е опремена со најнапредна и најсовремена технологија, што воедно и се потврдува со она што НОВА им го нуди на гледачите во обидот што е можно на пософистициран начин публиката да ужива во програмата која ја нуди.

Модерната графичка презентација и 3Д графика е само уште еден од многуте современи новитети кои новата телевизија им ги претставува на мaкедонските гледачи, по теркот на на најмодерните светски телевизиски мрежи.