Високата претставничка на Европската унија Федерика Могерини денеска во Белград изјави дека ЕУ ја гледа европската иднина на Србија и дека е подготвена првите преговарачки поглавја да се отворат уште оваа година, пренесува МИА.
– И мојата главна порака овде е не само дека Србија е цврсто на патот кон Европската унија, туку и дека Унијата е подготвена на отворање на преговарачките поглавја оваа година. Тоа е од исклучително значење, рече Могерини на заедничката прес-конференција со српскиот премиер Александар Вучиќ.
Могерини му се заблагодари на Вучиќ на лидерството, посебно кога станува збор за спроведување на економските реформи, спроведување на договорот од Брисел , како и на напорната работа на полето на европските инетеграции.
– Бидете уверени дека лично сум подготвена и дека ЕУ е подготвена заедно да ги изминеме километрите што се пред нас, нагласи високата претставничка.
Таа и се заблагодари на Србија за начинот на кој претседава со ОБСЕ, како и на учеството во мисиите на ЕУ ширум светот.
Доколку преземете содржина од оваа страница, во целост сте се согласиле со нејзините Услови за користење.