Спорт

Мојс ќе добие клоца на крајот од актуелната сезона

Мојс ќе добие клоца на крајот од актуелната сезона

Близок извор до таборот на Манчестер Јунајтед потврди дека клупските челници се почесто ја разгледуваат и опцијата за прекин на соработката со актуелниот менаџер на „црвените ѓаволи”, Дејвид Мојс.

Се’ поголем и поголем е бројот на тие кои се дел од клупското раководство кои вината за очајната сезона ја лоцираат во наследникот на легендарниот сер Алекс Фергусон и истите се убедени дека Јунајтед ќе продолжи со очајната серија доколку и во новата сезона во менаџерската фотеља седи поранешниот предводник на Евертон.

„Отказот е моментално најреална опција. Мојс ги потроши сите можни кредити. Потроши повеќе од 60 мил. фунти за две засилувања кои играат под очекуваното ниво. Го засили и така доволно квалитетниот среден ред, а одбраната и понатаму е најслабата алка во тимот на Манчестер Јунајтед. Инсистираше Руни да добие рекордна неделна заработувачка, а побара и голем буџет кој ќе биде искористен за време на летниот преоден рок. Семејството Глејзер ја разгледува и опцијата за прекин на соработката, но прво ќе биде побаран наследник”, изјави анонимниот извор.