Момче тешко повредено по излетување со возилото од пат

архивска илустрација

Дваесет и едногодишен жител на кумановското село Ваксинце е тешко повреден откако со својот автомобил во понеделникото излетал од регионалниот пат Липково-Куманово на местото викано Оризарска чешма.

Од полицијата информираат дека А.И. управувајќи автомобил „ауди“, изгубил контрола над возилото, излетал од патот и удрил во дрво.

Возачот бил пренесен во кумановската болница од каде по барање на родителите е препратен во Ургентниот центар во Скопје каде му се констатирани тешки повреди.

Полициски екипи извршиле увид на местото на несреќата.

Доколку преземете содржина од оваа страница, во целост сте се согласиле со нејзините Услови за користење.