среда, 7 декември 2016  |  Вести денес: 19

МОН: СДСМ манипулира со своите изјави за состојбите на студентските домови

Министерството за образование и наука ги оцени како паушални и манипулативни изјавите на, како што наведува во реакцијата -  политичките активисти на СДСМ кои никогаш ниту посетиле, ниту престојувале во студентски домови, а говорат за условите и храната во нив.

Javna administracija, ministerstvo za finansii i  ministerstvo za obrazovanie i nauka

Javna administracija, ministerstvo za finansii i ministerstvo za obrazovanie i nauka

Поврзани вести

– Актуелната Влада е единствената која досега инвестирала 5 милиони евра во изградба на нови сместувачки капацитети и во реконструкција и опремување на постојните. Во тек се и неколку дополнителни инвестициски активности, како замена на постојната опрема и мебел, набавка на перални и сушални, а наскоро ќе започне и изградбата на два целосно нови студентски домови, пишува во соопштението-реакција од МОН.

Во однос на исхраната и тврдењето на опозицијата дека студентите имаат два оброка на ден, МОН информира дека сите корисници на услуги во студентските домови добиваат три оброци секој ден во неделата, во количини согласно со правилниците и нормативите за исхрана.

– Оброците се користат со приложување на електронска картичка или пак, бонови од страна на студентите кои во изминатиот период не ги искористиле. Тоа лесно може да се провери и констатира, така што изјавите од овој тип, можат единствено да се сфатат како политичка игра на грбот на студентите, во обидот за освојување дневно-политички битки, наведува Министерството во реакцијата, и го повикува СДСМ „да престане со измислиците и да ги почитува принципите на општествена одговорност, етика и морал при своите јавни настапи“.

Најчитани вести