Денот на победата над фашизмот, 9 мај, ќе биде одржан под исклучително силни безбедносни мерки во Москва и во другите градови, откако руските служби спречија терористички напад планиран за овој ден.
Руските служби за безбедност во Москва и во другите градови веќе презедоа мошне зајакнати и детални безбедносни мерки, во рамките на кои во периодот од 1 до 10 мај само во главниот град се ангажирани околу 18 илјади припадници на силите за безбедност – полицајци, кинолози, припадници на специјалните единици – ОМОН, Националната гарда и приватни фирми, кои се занимаваат со обезбедување објекти и настани.
Федералната служба за безбедност објави дека терористи од Блискиот Исток планирале да отворат оган кон учесниците во парадата, по наредба на лидерот на меѓународни терористички организации активни на териториите на Сирија и Турција.
