Можностите за финансирање на приватниот сектор преку Програмата на Европската унија „Хоризонт 2020“ денеска ќе бидат презентирани пред бизнисмените од Кичево и околината, пренесува МИА.
Презетнацијата е во рамките на 4. работилница за Проектот „Формирање бизнис-центар за поддршка и консултативни услуги за малите и средни претпријатија во Југозападниот плански регион“, организирана од Регионалната стопанска комора со седиште во Кичево во соработка со Центарот за развој на Југозападниот плански регион
Главната цел на Проектот е да се зголеми конкурентноста на планските региони преку поддршка на малите и средните претпријатија и на претприемништвото во регионот.
Со реализацијата на планираните проектни активности се очекува зголемување на степенот на инвестиции што ќе овозможи креирање на нови работни места и задоволување на барањата и интересите на бизнис-заедницата. Проектот, исто така, треба да го зголеми пристапот до информации и степенот на учество на приватниот сектор во носење на соодветни одлуки на локално и на регионално ниво.