недела, 23 јули 2017  |  Вести денес: 28

Муцунски на средба со претставници на НВО за реформата во јавната администрација

муцунски

Последни вести

Во рамки на процесот за изготвување на новата Стратегија за реформа на јавната администрација за периодот 2016-2021 година, заменик – министерот за информатичко општество и администрација Тимчо Муцунски денеска имаше средба со претставници на невладини организации.

Како што соопшти Министерството за информатичко општество и администрација (МИОА), на состанокот бил претставен оперативниот план за изготвувањето на новата стратегија и е упатен повик за активно вклучување на невладиниот сектор.

– Покрај помошта што ја имаме од СИГМА, во смисла на експертска и техничка помош, сметаме дека е многу битно да го вклучиме и невладиниот сектор, со цел отвореност и транспарентност на целиот процес, рече Муцунски.

МИОА, како што стои во соопштението, во претстојниот период ќе го координира процесот на изготвување на новата Стратегија за реформа на јавната администрација. За таа цел е формирана меѓуресорска работна група, со претставници на релевантни институции кои имаат свои надлежности во рамки на реформата на јавната администрација, при што ќе биде вклучена и академската заедница.

Најчитани вести