Спорт

Мурињо ги пецна фановите на Атлетико Мадрид

Мурињо ги пецна фановите на Атлетико Мадрид

Контроверзниот менаџер на Челзи, Жозе Мурињо, дополнително ги изнервира најверните фанови на Атлетико Мадрид со изјавата дека за него постои само еден клуб кој се натпреварува во шпанската Примера дивизион, а тоа е најголемиот ривал на популарните “јорганџии”, тимот на Реал Мадрид.

“За мене постои само еден клуб во Шпанија. Тоа е Реал Мадрид и јас сум многу среќен кога ќе победи Реал Мадрид иако повеќе не сум тренер на “кралскиот клуб”. Јас не сум тука за да зборувам колку е квалитетен тимот на Атлетико Мадрид. Таквата информација јас веќе ја споделив со моите фудбалери. Не постои таков тим кој не е доволно квалитетен, а игра во полуфиналната рунда од Лигата на шампиони. Знам дека и Атлетико Мадрид има таква амбиција да биде дел од финалниот натпревар и да слави во најважното клупско натпреварување. Многу го почитувам тимот на Атлетико Мадрид, но убеден сум дека сум направил добра анализа, дека ги знам слабите точки”, изјави трофејниот португалски стручњак.