МВР вчера спречи шверц на речиси два килограми марихуана во близина на регионалниот пат кој води од граничниот премин Блато кон Дебар.
По претходно добиени сознанија полицијата излегла на терен и при обидот да ги уапси двете лица кои илегално од Албанија влегле во Македонија, едниот од нив побегнал кон Албанија, а другиот кон селото Шулан, дебарско.
П.М.(22) кој побегнал во правец кон Албанија бил уаспен од албанската полиција на албанска територија.
Полицијата извршила детален преглед и претрес на теренот. Во една од нивите во атарот на село Бањиште, дебарско е пронајдена бела вреќа во која имало две најлонски кеси обвиткани со самолеплива трака со непозната тревкаста материја, за која подоцна било утврдено дека е марихуана со вкупна маса од 1,975 грама.
Против албанскиот државјанин П.М. како и против засега непознатото лице поднесена е кривична пријава.