Спорт

МЗТ Скопје со пораз го заврши настапот во Еврокупот

МЗТ Скопје со пораз го заврши настапот во Еврокупот

Македонскиот кошаркарски шампион МЗТ Скопје со пораз ги заврши настапите во Еврокупот. Металците во рамките на 10. коло во Г – група на домашен терен во СЦ “Борис Трајковски” е поразен од рускиот Уникс Казан со 88:62.
Гостите во текот на целиот натпревар беа подобар противник и заслужено си заминаа со целиот плен од овој натпревар. “Металците” беа достоен противник само во првата четвртина, додека во остантиот дел од натпреварот Уникс покажа дека е за класа подобар од македонскиот шампион.
Најефикасни во редовите на МЗТ беа Дамјан Стојановски и Иван Маринковиќ со по 12 поени, додека Гечевски натпреварот го заврши со 10 поени. Во победничкиот тим најмногу се истакнаа Гуделок со 19 и Харангуди со 18 поени.