Спорт

МЗТ Скопје убедливо поразен на гостувањето кај Крка

МЗТ Скопје убедливо поразен на гостувањето кај Крка

Кошаркарите на МЗТ Скопје Аеродром претрпеа убедлив пораз на гостувањето кај словеченка Крка во рамките на 20. колово АБА лига со 73:50. Избраниците на тренерот Зоран Мартич, одиграа лош меч како во одбраната така и во нападот и го забележаа 11. пораз.

Екипата на Крка ги доби сите четири периоди, а во однос на МЗТ Скопје беа подобри при ударите за два и за три поени, остварија повеќе скокови (39:33) и асистенции (18:9), додека имаа помалку загубени топки (11:16).

Најефикасни во составот на Крка беа Буљан со 15, Муриќ со 13, Бечировиќ и Лапорник со по 11 поени.

Во тимот на МЗТ Скопје Александар Цветковиќ со 11 коша беше единствениот кој имаше двоцифрен број на поени на овој меч. Кирил Николовски, Урош Лучиќ и Иван Маринковиќ постигнаа по 9 поени.

Следниот меч од АБА лигата екипата на МЗТ Скопје Аеродром го игра на домашен терен во сабота со почеток од 19.00ч, а за противник го има тимот на Задар.