Претседателот на Социјалдемократскиот сојуз, Зоран Заев денеска се сретнал со неговиот претходник, Бранко Црвенковски во обид да се демонстира дека во партијата нема поделби.
„Заеднички беше заклучено дека на СДСМ и е потребно единство и внатрешна кохензија на сите загрижени за состојбите во Република Македонија“, се вели во соопштението.
Но, од друга страна, многумина средбата меѓу актуелниот и поранешниот лидер на најголемата опозициска партија ја толкуваат како потврда на информациите дека Заев не може да излезе од сенката на Црвенковски и дека по Конгресот, првиот човек на СДСМ ќе продолжи да ги следи инструкциите на неговиот претходник за тоа како да се продолжи политичкото делување во иднина.
Заев и понатаму продолжува да го спроведува бојкотот на инситутциите и непризнавање на изборните резултати по предвремените парламентарни избори.
