Балкан

На пат за Ватикан се расипа авионот на Николиќ

На пат за Ватикан се расипа авионот на Николиќ

Авионот со кој српскиот претседател Томислав Николиќ отпатувал во Ватикан се вратил во Белград поради дефект на моторот, а посетата на Светиот престол е откажана пишува српски „Курир“.

Николиќ требало денеска да престојува во посета на Ватикан, каде требало да се сретне со папата Франциско, како и со државниот секретар на Ватикан, кардиналот Пјетро Паролини, но поради дефект на моторот на авионот „фалкон“ средбата е откажана.

Инаку Ватикан е првата држава која во 1992 година ја призна независноста на Хрватска и Словенија, два дена пред тоа да го направат земјите членки на ЕУ (тогаш Заедница).

Во 1999-тата година Ватикан ја осуди воената интервенција во Србија.