До ноќеска на полноќ политичките партии до oпштинските изборни комисии (ОИК) треба да достават предлози за членови на избирачките одбори (ИО) и нивни заменици, заради формирање односно евентуално дополнување на ИО со нови членови и заменици.
Обврската за тоа е во согласност со Роковникот на Државната изборна комисија (ДИК) за спроведување на предвремените парламентарни избори на 5-ти следниот месец.
Од ДИК информираат дека испратиле соопштение и оти се јавуваат во општинските изборни комисии за да им укажат дека денеска ќе треба да ги чекаат предлозите на политичките партии.
