Македонија

Награда за незаконското самоназначување за член на УО на Телеком На сметката на Рашковски ќе легне хонорарот од 32.000 денари

На сметката на Рашковски ќе легне хонорарот од 32.000 денари

Генералниот секретар на владата на Зоран Заев, Драги Рашковски, кој и полкрај повиците на јавноста не поднесе оставка од платената функција член на собранието на акционери на Телеком, туку и денеска ќе претседава со седницата на Собранието на акционери на Телеком.

„По завршувањето на денешниот ангажман, на сметката на Рашковски ќе легнат 32.000 денари, награда за неморалното и незаконско однесување на генералниот секретар на Владата, бидејќи според член 18 од Законот за спречување на судир на интереси, генералниот секретар не може да биде член на управен или надзорен орган во трговско друштво, јавни претпријатија, агенции, фондови, но и сите други организациони облици со доминантен државен капитал“, пишува Република.

И јавноста и од опозициската ВМРО-ДПМНЕ предупредуваа дека членувањето на Рашковски во управен одбор е противзаконско, но од негова страна нема никаква реакција.

„Однесувањето на Рашковски е неморално и незаконско бидејќи според член 18 од Законот за спречување на судир на интереси, Генералниот секретар не може да биде член на управен или надзорен орган во трговско друштво, јавни претпријатија, агенции, фондови, но и сите други организациони облици со доминантен државен капитал“, рече Невенка Стаменковска од ВМРО-ДПМНЕ.

За секое присуство на седница на собранието на акционери, во коешто Рашковски самиот се назначи о за тоа самиот си ја потпиша одлуката, ќе добива по 500 евра, а му следуваат и службен телефон со неограничен лимит, компјутери, користење службено возило на негово барање.

Згора на тоа, Рашковски упорно молчи за непотизмот што го шири низ државните институции. Не е доволно само повлекувањето на неговата баба, Елена Начевска што се именуваше во второстепената владина комисија и повлекувањето на неговиот кум, адвокатот Дејан Костиќ. Овие лица треба веднаш да ги вратат народните пари кои ги испумпаа од буџетот на Република Македонија. Република Македонија не е ничија приватна сопственост и Рашковски заедно со Заев не можат да се однесуваат кон државата како кон колач кој ќе го поделат неколку фамилии од власта