Македонија

На Табановце поставени два монтажни објекти за мигрантите

На Табановце поставени два монтажни објекти за мигрантите
На Табановце поставени два монтажни објекти за мигрантите

Два од вкупно шест монтажни објекти денес беа поставени Железничката станица Табановце, пренесе МИА.

Монтажните објекти се наменети за престој на мигрантите кои се задржуваат на Железничката станица при нивното натамошно патување од земјите од Блискиот Исток и Северна Африка кон Србија и според нивните кажувања, кон нивната крајна дестинација, земјите од Западна Европа. Поставувањето монтажни објекти се спроведува во соработка со УНХЦР.

Поставувањето на монтажните објекти го спроведуваат наши активисти. Се надеваме дека најдоцна до понеделник ќе бидат поставени сите монтажни објекти, вкупно шест кои ќе обезбедат пристоен престој за мигрантите кои во утринските и вечерните часови пристигнуваат на станицата, изјави секретарот на општинската организација, Иле Митковски.

Од понеделник, пак, најави Митковски, ќе бидат поставени десет тоалети, како и чешми.

На овој начин на мигрантите им се обезбедуваат пристојни услови за неколкучасовното задржување на станицата на Табановце, додаде Митковски.

Издадени 614 потврди за барање азил за 24 часа

МВР за еден ден издало 614 потврди за барање азил на мигранти.

Од вкупно 614 потврди 441 се издадени на мажи, 81 на жени, 81 на деца кои го придружуваат носителот на потврдата, како и уште 11 на деца кои патуваат без родител, стои во соопштението на МВР.

Најбројни мигрантите од Сирија

Според државјанството на лицата на кои им се издадени потврди, најбројни се државјаните на Сирија-574, Бангладеж-10,Нигерија –девет,Сомалија – шест, додека останатите се во помал број.

Од законските измени издадени вкупно 32.388 потврди

Во периодот од 19.06.2015 до 12.08.2015 година во 08,00 часот, издадени се потврди на вкупно 32.388 мигранти, од кои, 22.703 се од машки пол, 4.359 се од женски, 4.959 се деца кои го придружуваат носителот на потврдата, како и уште 367 деца кои патуваат без родител, на кои им е издадена потврда за искажана намера за поднесување на барање за признавање на право на азил.

Според државјанството на лицата на кои им се издадени потврди, најбројни се државјаните на Сирија-25.286, потоа Авганистан-1.990, Ирак-1.667, Пакистан-1078, Сомалија-547, Палестина-492, Конго-294, Камерун-134, Еритреја-132, Нигерија-126, Етиопија-108, додека останатите се во помал број.

Поднесено 41 барање на азил

kale-migrantiОд започнувањето на издавањето на потврдите до 11.08.2015 година до Одделението за азил се поднесени 41 барања  за признавање на право на азил врз основа на претходно издадена потврда , при што 31 барања се од државјани на Сирија за азил од нив 10 за деца, потоа три барања од државјани од Пакистан, по две барања од државјани од Мароко, Алжир и Ирак (едно од барањата е за деца) и едно барање од државјанин на Египет.

Во ЈУ Прифатен центар за баратели на азил во дневниот регистар на баратели на азил за 11.08.2015 година се евидентирани вкупно 3 баратели на азил, сите мажи.

Од вкупниот број на баратели на азил кои се присутни во ЈУ Прифатниот центар, не се евидентирани баратели на азил со повреди, бремени барателки на азил и малолетни лица без придружба на старател.

 

 

Министерот за внатрешни работи, Митко Чавков минатиот месец изјави дека секојдневно стотици мигранти чекаат за влез во земјава.