Македонија

На Токсикологија мирно – нема прејадени, ниту препиени

На Токсикологија мирно – нема прејадени, ниту препиени
Годинава за Велигден на Токсикологија нема ниту еден прејаден, ниту препиен пациент.
За разлика од минатите години, кога биле третирани и по околу 30-тина затруени граѓани овој продолжен празничен викенд помош на клиниката немало граѓани кои претерале со мрсна храна и јајца во комбинација со алкохол.

Во изјава за „Здравство 24“ директорот на Клиниката д-р Нестор Поповски вели дека ваква мирна состојба без прејадени пациенти на токсикологија не памети повеќе од 27 години колку што работи на Клиниката.

Д-р Поповски советува умерено да се јаде и денеска и утре и граѓаните да не претеруваат со мрсната храна и јајцата за да немаат проблеми со желудникот, жолчката и панкреасот.

Инфектолозите предупредуваат велигденските јајца да се јадат до третиот ден од варењето поради бојадисувањето за да се избегне евентуално труење.