Владата ја подобрува ликвидноста и преку индиректни мерки. Така преку ослободувањето на задржаната добивка во периодот од 1.1.2009 до 1.1.2015 кај фирмите годишно остануваа од 80-100 милиони евра односно за период од 6 години над 500 милиони евра останаа кај фирмите на располагање наместо да бидат оданочени. Дополнително кај голем број институции како ЦРМ, Катастар и др. намалени се бројни надоместоци и трошоци што фирмите ги плаќаа. Заштедите на фирмите остварени по овој основ заради намалените надоместоци, лежарини и др. кај Царинската Управа се проценуваат на 12 милиони евра годишно односно за период од 9 години над 100 милиони евра.
Ова заедно со подобрениот пристап до кредити значително ја подобри финансиската позиција на фирмите и создаде можност и во услови на криза да се реализираат инвестиции, да се има средства за репроматеријали и работење, како и за вработените при што МКД е една од ретките земји кои во текот на светската економска и европската должничка криза немаше отпуштање на работници.
