Над 120 лица починаа од топлотен бран во пакистанскиот град Карачи

Најмалку 122 лица починаа од високите температури кои го зафатија најголемиот пакистнски град Карачи и други делови во јужната провинција Синд, јавија локалните власти.

Од саботата само во Карачи животот го загубиле 114 лица, а осуммина во три други области на провинцијата Синд.

Температурите во големиот пристанишен град достигнаа во изминатите два дена до 45 степени Целзиусови, што е блиску до рекордните 47 степени Целзиусови регистрирани во јуни 1979 година.

Ситуацијата е дополнително влошена по прекинот на електричната енергија, што го погоди водоводниот систем на Карачи. Градот има 20 милиони жители.

Доколку преземете содржина од оваа страница, во целост сте се согласиле со нејзините Услови за користење.