Повеќе од 40 членови на здруженија на дијабетичари од повеќе градови во Македонија традиционално веќе трета година по ред ќе трчаат на скопскиот маратон в недела под слоганот „Го менуваме дијабетесот”.
Со тоа симболично ќе се претстави важноста на физичката активност во успешно справување со дијабетесот за оние кои живеат со оваа состојба, но и во превенција кај останатите.
Бројот на лица со дијабетес кои учествуваат на маратонот на 5 километри од година во година се зголемува, како и бројот на лица кои се пријавуваат на подолгите трки, покажувајќи дека дијабетесот може да се стави под контрола и со него да се живее нормален живот, без никакви рестрикции.