Македонија

Над 8.000 повици во кол центарот „Ало докторе“ за два месеци

Над 8.000 повици во кол центарот „Ало докторе“ за два месеци

Повеќе од 8.000 граѓани се јавиле на линијата „Ало докторе“, да побараат лекарски совет, за неполни два месеци откако е ставена во функција.  Телефонската линија е  достпна секој ден , по 24 часа, со цел да се овозможи непосредна медицинска консултација во моментот на појава на какви било симптоми на нарушување на здравјето.

Во моментот, 22 специјалисти лекари се оперативни во повикачкот центар, а според досегашните резултати, искуството од овој проект е многу позтивно.

Како што наведе директорката на Здравствен дом Скопје, Татјана Баевска Вучковиќ, најчесто граѓаните бараат совети од областа на педијатријата, доколку чувствуваат некаква болка, за респираторни и кардиоваскуларни проблеми.
Целта на центарот е да се обезбедат советодавни здравствени услуги, односно консултации и упатства за граѓаните при појава на сипмтоми за кои не е неопходен итен медицински третман (главоболка, настинка, покачена телесна температура).

Работата на овој центар во извесна мерка ја намали и оптовареноста на службата за Итна помош.

„Службите си помагаат една со друга, а има случаи кога доколку лекарите од Итна помош, проценат дека не се работи за ургентен сучај, повикот го префрлаат на службата „Ало докторе“, но и обратно“, вели Вучковиќ.

Според д-р Јованка Костова, од Институтот за јавно здравје, граѓаните се чувствуваат посигурно кога за моменталниот здравствен проблем ќе поразговараат со лекари, а во ургентни состојби, ваквите медицински совети можат да спасат и живот.  

Ваков проект успешно функционира во повеќе земји:  Германија, Ангија, Шветска, Eстонија, Молдавија, Австралија,  САД…