четврток, 20 јули 2017  |  Вести денес: 47

Најстудено во Берово, Петровец и Битола

studeno vreme

Поврзани вести

Најстудено во Берово, Петровец и Битола. Минус осум степени се измерени изутрина во седум часот во Берово, а минус пет во Скопје-Петровец и во Битола, информира Управата за хидрометеоролошки работи (УХМР).

Во Демир Капија, Дебар, Струмица, Маврово и во Лазарополе температурата се спушти четири степени под нулата,  минус три во  Штип, Скопје-Зајчев Рид, Тетово, Крива Паланка и Прилеп, минус два   во Кавадарци, Куманово, Тополчани, Гевгелија и Претор, минус еден во Охрид, Ѓуриште, Пожар, Крушево, Виница, нула во Пожаране, два во Дојран.

Денес облачно и посвежо со сончеви периоди

Според УХМР, времето денеска ќе биде умерено облачно и посвежо со сончеви периоди, а попладне  променливо облачно. Ќе дува слаб, повремено умерен северен ветер. Максималната температура  ќе се движи во интервалот од пет до десет степени. Во Скопје слично со температура до седум степени.

Утре претпладне ќе биде променливо облачно, а попладне облачноста ќе се намалува. Ќе дува слаб до умерен северен ветер. Утринските температури  ќе бидат во интервалот од -5 до 2, а дневните од 4 до 9 степени. Во наредните денови ќе продолжи периодот на стабилно и суво време.

Најчитани вести