Најмалку 16 загинати во напад врз џамија во Кабул

Шеснаесет лица загинаа, а најмалку 15 лица се повредени при напад врз шиитска џамија во авганистанската престолнина Кабул во петкот.

Меѓу загинатите има најмалку двајца полицајци. Според првичните информации, убиен е и шиитскиот свештеник, кој ја водел службата во џамијата кога почнал нападот.

Прво, бомбаш-самоубиец се разнел во џамијата, а потоа, двајца или тројца вооружени мажи влегле во друг дел од храмот и активирале гранати.

Потоа интервенирала и полицијата и дојде до престрелка меѓу полицајците и напаѓачите.

Терористичката група Исламска држава ја презеде одговорноста за нападот.

 

Доколку преземете содржина од оваа страница, во целост сте се согласиле со нејзините Услови за користење.